الموجة الثانية جاية لا محالة

٣١ طفرة حتى الآن في فيروس كورونا منهم ١٩ غير معروفين قبل كده ومنهم طلعت أنواع في منتهى الشراسة في معدل القتل بعد الإصابة ولسه ماخرجتش للمجتمع

زي ما احنا بندرس الفيروس علشان نشوف نقط ضعفه ونشوف هانقضي عليه ازاي

هو كمان بيدرس الجسم البشري وببطور نفسه حسب نقط ضعف جهاز المناعة بتاعنا علشان يشوف هايقضي علينا ازاي

هو جديد علينا واحنا جداد عليه

صراع وجود بين كائن شرس لسه جديد على كوكب الأرض وفطرته بتحركه علشان يسيطر عليها

وكائن اشرس قديم على كوكب الارض ومسيطر عليها بذكاءه اللي بيحركه

الفطرة ضد الذكاء

هو أكيد بيحضر لموجة ثانية اشرس بكتير من الموجة الأولى والمسألة مجرد وقت لحد مايتحور للسلالة اللي فهمت ازاي جهاز المناعة بيغلبه ويهجم الهجمة التانية

ده فقط الهدوء اللي بيسبق العاصفة

احنا أكيد هانكسب المعركة لأن ربنا خلق الإنسان علشان يحكم الارض ويهزم اي كائن فيها مهما كان متوحش

البشر متوحشين اكتر من اي مخلوق تاني

السؤال مش مين هايكسب المعركة اللي جاية لأن الإجابة معروفة

السؤال الحقيقي هو تمن النصر ده هايكون كام روح

وكام واحد هايتبقى عايش علشان يحتفل بالانتصار. ده